Aðalfundur Hondbóltssambandsins, sum skuldi vera leygardagub 19 mai 2012 kl 12.00, verður vegna jarðarferð útsettur til týsdagin 29 mai 2012 kl 18.00 á Hotel Føroyum.
Starvsnevndin
Tá ið avtornaði vóru 24 lið meldað til U12 kappingina sunnudagin, 12 gentulið og 12 dreingjalið. Liðini eru úr hesum feløgum: H71, Neistanum, VÍF og StÍF. Kappingin byrjar kl. 13 og endar kl. 18.45 [les meira…]
Ingvi Raganrsson (mynd: Stjørnan)
Í gjár bórust tíðindini um, at Ingvi Ragnarsson var farin, bert 50 ára gamal.
Ingvi og bróðurin Kristoffur hava verið ímyndin av Stjørnuni hesi seinnu mongu árini og fer tað at kennast tómt, nú hann ikki er millum okkara longur. Tað hann setti sær fyri, legði hann lív og sál í.
Tað verður tómligt á fundum, nú Ingvi ikki verður við meira, men saknurin verður størstur hjá tykkum Onnu Mariu, Karini og Pravin. Men eisini hjá tær Kristoffur, tit fylgdust so trúliga til fundar í HSF.
Vit í Hondbóltssambandinum vilja við hesum fáu orðum æra minni um Ingva Ragnarsson
H.S.F.
Kristian Johansen, formaður
Sum kunnugt fer HSF sunnudagin 20. mai, sum eina roynd, at fyriskipa summarkapping fyri gentur og dreingir 12, árgangirnir 1999-2000 – við øðrum orðum somu leikarum, sum hava verið í U12 í vetur. Kappingin verður í Gundadalshøllini. Tá ið freistin var úti sunnudagin, høvdu 22 gentu- og dreingjalið meldað til kappingina. Hóast talan er um lið úr bara trimum feløgum, ber til at fyriskipa fýra kappingarbólkar, 2 bólkar við 6 gentuliðum í hvørjum og 2 við 5 dreingjaliðum í hvørjum.
U8 kappingarnar hava í stóran mun sett dám á kappingarárið 2011-12
Fundurin varð hildin í ÍSF húsinum og á skránni var eftirmeting av kappingarárinum, dómarasamsýningar og ymist. Á fundinum vóru 18 fólk umboðandi 10 feløg
Eftir at Margrið Weihe hevði boðið vælkomin fekk Gunn Ellefsen at stýra orðaskiftinum, meðan kappingarnar vóru gjøgnumgingnar. Luttakararnir høvdu so høvi at koma við viðmerkingum.
Her eru nakrar niðurstøður:
Ársins lið hjá kvinnum (Mynd: Portalurin)
Árliga gallaveitslan var í ár í Klaksvík og varð hildin í KÍ-høllini, har Stjørnan og Team Klaksvík í felag vóru fyriskiparar. Eftir at hava kappast móti hvørjum øðrum í ein heilan vetur, seta hondbóltsleikarar prís upp á at kunna hittast til veitslu og hugna – og at kunna at tosa saman og knýta vinarbond á ein øðrvísi hátt. Gallaveitslan í ár var einki undantak í so máta, sum eisini góða undirtøkan er eitt gott prógv um – og bæði leikarar, venjarar og onnur kring hondbóltin fingu eitt rimmar kvøld. [les meira…]
Eitt afturvendandi tiltak seinnu árini eftir kappingarlok er gallaveitslan. Her koma leikarar, venjarar, dómarar, leiðarar og onnur, sum vara av hondbóltinum saman at hugna sær eftir eitt langt og strævið kappingarár. Tað eru ymisk hondbóltsfeløg runt um í landinum, sum hava skipað fyri veitslunum, sum hava verið sera væl eydnaðar, har fólk virkuliga hava hugnað sær. Í ár hava Stjørnan og Team Klaksvík í felag átikið sær at skipa fyri gallaveitsluni, sum verður í KÍ-høllini komandi leygarkvøld. [les meira…]
Kristian Johansen, HSF formaður
Nú eru føroyameistararnir funnir í Sunset og Atlantic Airways kappingunum og sigast má, at vit hava fingið hondbólt at síggja, sum sjáldan áður. Tvær kvinnufinalur við góðum hondbóltsspæli og so tríggjar sera javnar mansfinalur, sum kundu farið báðar vegir – ja sum ein spurtur í kappróðri, har tann femsti var stavnin frammanfyri, sum Magni Arge segði í røðu síni. Fyri stuttum vóru eisini føroyameistararnir í yngru deildunum funnir og vilja vit frá HSF ynskja øllum hjartaliga tillukku við meistaraheitunum við vón um at næsta kappingarár verður eins spennandi.
Við hondbóltskvøðu, Kristian Johansen, formaður
